Stair na Scoile:
Bunaíodh an scoil i 1984 chun freastal ar thuismitheoirí ar theastaigh uathu oideachas trí mheán na Gaeilge d’á bpáistí. Bunaíodh an scoil le cabhair na dtuistí agus bhí na céad ranganna ar siúl i dTeach Viewmount. Treasa Ni Eachthighearnn a bhí ceaptha mar phríomh
oide an chéad lá agus lean sí ag stiúradh na scoile ar feadh tréimhse a lean fiche cúig bliain.
Bhí na ranganna thíos san Íoslainn agus dhá sheomra ranga ann. Ar dtús thugtaí Scoil Éanna ar an scoil ach ansin athraíodh go Gaelscoil Phort Láirge é.
Bhí ar an scoil gach deis a thapú chun aird an phobail a dhíriú ar an scoil. Thosaigh an foireann agus daltaí ag glacadh páirte i bhFéile na Scol, Slógadh, Feis Ceoil, Oireachtais na Gaeilge agus Cór Fhéile Idirnáisiúnta i gCorcaigh agus bhaineadar amach duaiseanna
náisiúnta i ngach ceann acu.
Ghlac daltaí páirt i gcúrsaí spóirt agus d’imríodar cluichí peile agus iománaíochta faoi stiúir Cumann na mBunscoil. Bhuadar Craobh na hÉireann i dTráth na gCeist a bhí eagraithe ag Gaelscoileanna i mBaile Átha Cliath.
Fás agus Forbairt:
De réir a chéile thosaigh daoine ag cur a bpáistí go dtí an scoil agus tá na h-uimhreacha ag dul i méid le blianta beaga anuas. Sa bhliain 1991 bhog an scoil amach chuig sean fhoirgneamh Scoil Mhuire a bhí folamh ag an am. Cheannaigh an Roinn Oideachais an suíomh agus thosaigh na pleananna ar é a dhéanamh in oiriúint don Ghaelscoil.
I 2007 chríochnaigh tógálaithe an atógáil ar an seanfhoirgnimh a bhí ag Scoil Mhuire, Baile Mhic Gonair agus anois tá ocht seomra ranga againn. Chaith an scoil trí bliana faoi bhrú i seomraí réamhdhéanta agus an tógáil ar siúil timpeall orthu. Mar sin ba mhór an éacht é an scoil nua agus na h-áiseanna go léir a bhaineann leis, a bhaint amach.
Tá athraithe tar éis teacht ar an bhfoireann scoile thar na blianta ach is dócha an t-athrú is mó a tharla ná nuair a d’éirigh Treasa Ní Eachtighearnn as i Lúnasa 2009 tar éis fiche cúig bliain a chaitheamh mar phriomh oide ar an áit. Na múinteoirí eile a d’oibrigh linn ar an bhfoireann scoile ná:
Áine Ní Shé, Siobhán de Prionnbhíol, Anne Marie Ní Chárthaigh, Micheál Ó Loing, Fianait Ní Mhurchú, Seán Ó Súilleabháin, Treasa Breathnach, Domini Ní Eachtighearnn, Bernadette Ní Mhurchú, Colm ó Cíomháin, Áine Ní Bhéara agus Síle Mhic Suibhne.
Gabhaimid buíochas as a gcuid oibre uilig agus an scoil ag fás agus forbairt thar na blianta.
Ceapadh Deirdre Ui Chuileanáin mar phríomhoide i 2013. Shroich Deirdre an scoil i 2001.
"Thuig mé ón tús go raibh rud éigin speisialta agus iontach faoin scoil. Bhíos ag múineadh ann go dtí naoi mbliana ó shin nuair a cheapadh mar Phríomh Oide mé".
Chaith Deirdre deich mbliana mar phríomhoide na scoile, agus d’éirigh sí as i 2022. Gabhaimid buíochas mór léi as an sár-obair a rinne sí le pobal na scoile thar an tréimhse sin agus an tiomantas a bhí aici don scoil i gcónaí. Ba phríomhoide cineálta, cáirdiúil agus cabhrach í, agus tá a tionchar ar an scoil le feiscint sna traidisiúin a leag sí amach.
Chomh maith le sin, ba mhaith linn buíochas mór a ghábháil le Maria Uí Ógartaigh. Thosaigh Maria ag obair sa scoil mar rúnaí le Treasa. Bhí gach duine an-cheanúil uirthi, páistí, tuismitheoirí agus múinteoirí san áireamh, de bharr an cúnamh a thug sí do chách. D’oibrigh
sí sa scoil go dtí 2022 nuair a d’éirigh sí as. Buaileann Maria agus Deirdre isteach sa scoil go minic agus bíonn na páistí ar bís iad a fheiscint i gcónaí!
Is í Fionnuala de Chnuic príomhoide na scoile faoi láthair. Thosaigh sí ag múineadh sa scoil i 2011 agus ceapadh í mar phríomhoide i 2022. Is iarscoláire na scoile í agus tá an-chuid dea-chuimhní aici den scoil óna gcuid ama féin mar dalta. “Is breá liom bheith ag obair leis na
páistí, tuismitheoirí agus múinteoirí sa scoil seo. Is mór an pribhléid é ról an phríomhoide a ghlacadh. Tá rud éigin iontach speisialta faoi spiorad na scoile seo agus an ghaelscolaíocht, agus bíonn foireann na scoile ag obair le chéile i gcónaí chun cursaí oideachais a chur chun
cinn do na páistí.